ဒီနေ့ မြေအိုးမြီးရှည် ပို့စ်တင်လိုက်ပါတယ်နော်။ မန္တလေးမှာ မြီးရှည်၊ မြေအိုးမြီးရှည်ဆိုပြီး ၂ မျိုးရှိတယ်။ မြေအိုး မြီးရှည်ကတော့ ခုနောက်ပိုင်းမှ ပေါ်လာတယ်ထင်တာပဲ။ အစတုံးကတော့ ဒီလို မြေအိုးမြီးရှည် အရည် မရှိသေးဘူးထင်တယ်။ မြေအိုးမြီးရှည် အရည်နဲ့ လုပ်စားနည်းကတော့ သိပ်မခက်ပါဘူး။ ကိုယ်စားတဲ့ အသီးအရွက် မှန်သမျှကို အကုန်ထည့်ပြီး ပြုတ်စားလိုက်တာပဲ။ မြေအိုးမြီးရှည် အနှစ်ကတော့ အလွယ်တကူ မာလာဟင်းအနှစ်ထုပ်ကိုထည့်လိုက်တာပါ။ မာလာဟင်းအနှစ်တွေတွေလဲ တံဆိပ်အမျိုးမျုိးနဲ့ ရှိပါတယ်။ မိမိကြိုက်တဲ့ တံဆိပ်နဲ့ချက်လို့ ရပါတယ်။ ဒီနေ့တော့ မန္တလေး မြေအိုးမြီးရှည် ကို အားမနားတမ်း သုံးဆောင်သွားပါအုံးလား။
မြေအိုးမြီးရှည်အတွက် လိုအပ်သောအရာ
ကြက်သား (သို့) ၀က်သား
ပုဇွန် (မထည့်လဲ ရပါတယ်)
ငုံးဥ (ကြက်ဥပဲ ထည့်လိုက်တယ်)
အသီးအရွက် အစုံ (မိမိကြိုက်သော အသီးအရွက် ထည့်လို့ရပါတယ်နော်။)
မြေအိုးမြီးရည် အရည်ချက်နည်း
ကြက်သား (သို့) ၀က်သားကို အတုံးသေးသေးတုံးပြီး ဆား ၊ အချိုမှုန့် နည်းနည်းထည့်ပြီး နယ်ပါ။ ပြီး ဟင်းရည်အိုးတည်ပါမယ်။ တုံးထားတဲ့ အသားထည့်၊ ရေထည့်ပြီး ဟင်းရည်အိုးကို ဆူနေအောင်အရင်ဆုံး တည်ပါတယ်။ ဆူလာရင် ကွမ်းမိတ် မာလာဟင်း အနှစ်ထုပ် ၂ ထုပ်ကိုဖောက်ပြီးထည့်လိုက်ပါတယ်။ ကွမ်းမိတ် အထုပ်မှာ ဆားထုပ်ရယ်၊ နောက်ထပ် ဟင်းခတ်မှုန့် သေးသေး ၂ ထုပ်ကိုဖောက်ထည့်လိုက်ပါတယ်။ နောက်ထပ် ဆား အချိုကို လိုမှ ထပ်ထည့်ပါ။ ငံသွားမှာစိုးလို့ပါ။ ဒါဆိုရင်တော့ မြေအိုးမြီးရှည် စားလို့ ရပါပြီ။ မြေအိုးမြီးရှည် ပြင်ပါပြီ။ မြေအိုးထဲ မြီးရှည်ဖတ်ရယ်၊ အသီးအရွက်အပြုတ်မှန်သမျှရယ်၊ ဟင်းရည်ရယ် ထည့်ပြီး စားလို့ ရပါပြီနော်။ ဒီနေ့ အားမနာတမ်း မြေအိုးမြီးရှည် သုံးဆောင်သွားပါအုံးလား။
@mogaungthu.blogspot.com
No comments:
Post a Comment